Կալանավորվել է Արթիկի փոխքաղաքապետը

Օրեր առաջ ձերբակալվել են Շիրակի մարզպետարանի քաղաքաշինության վարչության պետ Խաչատուր Խնձրցյանը և նույն բաժնի մասնագետ Մկրտիչ Ասատրյանը։

«Հրապարակ»-ին հայտնի է դարձել, որ նույն քրեական գործի շրջանակներում ձերբակալվել է նաև Արթիկ խոշորացված համայնքի ղեկավարի տեղակալ Արտակ Հարությունյանը։

Ըստ տեղեկությունների, երեկ դատարանը 2 ամսով կալանավորման որոշում է կայացրել։

Արտակ Հարությունյանը Սամվել Բաբայանի «Ազատական» կուսակցության ցուցակով 2021 թվականին առաջադրվել էր` որպես Արթիկ խոշորացված համայնքի ղեկավարի թեկնածու։

Ընտրություններից հետո, ՔՊ-ի հետ ստորագրելով կոալիցիոն հուշագիր, նշանակվել էր համայնքի ղեկավարի տեղակալի պաշտոնին։