Երեւանի հանրային տրանսպորտի ուղեվարձի թանկացումը կարող է էական ազդեցություն ունենալ գնաճի վրա։ Այս մասին լրագրողների հետ հանդիպման ժամանակ մարտի 12-ին ասել է ՀՀ Կենտրոնական բանկի նախագահ Մարտին Գալստյանը։
Նա նշել է, որ դա տեղի կունենա, եթե սակագինը բարձրանա՝ 100-ից հասնելով 300-ի։ Նրա խոսքով՝ Կենտրոնական բանկի արձագանք չի լինի, քանի որ խոսքը մեկանգամյա թանկացման մասին է։ «Իսկ ահա երկրորդային էֆեկտը ուղեվարձի թանկացումից կարող է հանգեցնել պահանջարկի փոփոխության»,- նշել է Գալստյանը։
