Հարգելի՛ քույրեր
Ընդունեք իմ անկեղծ շնորհավորանքները Կանանց միջազգային օրվա կապակցությամբ։Կանանց և մայրության նկատմամբ վեհ և հարգալից վերաբերմունքն անփոփոխ արժեք է: Այս տոնն ավանդաբար լցված է ամենաջերմ, բարի ու ամենավառ զգացումներով։
Այսօր բոլոր հայ տղամարդիկ հիացմունքով սեր են արտահայտում իրենց մայրերին ու տատիկներին, կանանց ու դուստրերին, քույրերին ու ընկերուհիներին։ Մենք՝ տղամարդիկ, երբեմն հնարավորություն չունենք գրկելու մեզ հարազատ ու թանկ կանանց և սիրո ու երախտագիտության խոսքեր ասելու Ձեզ՝ մեզ տանը սպասողներին, թեկուզ զուսպ, բայց ի սրտե։ Սիրելի՛ քույրեր, մեր դժվար կյանքում ձեզանից շատ բան է կախված: Հենց ձեր փխրուն ուսերին է դրված երեխաների և ընտանիքի մասին հոգատարությունը:
Խոնարհվում եմ այն հայ կանանց առջև, ովքեր կորցրել են իրենց հայրերին, եղբայրներին, ամուսիններին ու որդիներին, որոնք մինչև վերջին վայրկյանը ազնվորեն կատարել են իրենց մարտական պարտքը՝ պաշտպանելու մեր Հայրենիքը։
Առանձնահատուկ հարգանք արցախցի կանանց, ովքեր այսօր զրկված են ընտանեկան օջախից, զրկված են իրենց հայրական տան իրավունքից և իրենց հարազատների ու ընկերների շիրիմները հարգելու հնարավորությունից։
Առանձնահատուկ դիմում եմ կին զինծառայողներին, ովքեր տղամարդկանց հետ հավասար զենք են վերցրել իրենց ձեռքում հայրենի հողում ապրելու իրավունքը պաշտպանելու համար, մեր զինվորներին փրկած բժշկուհիներին ու բուժքույրերին։ Բոլոր մանրամասները հաշվի առնելու ձեր կարողությունը և հանձնարարված աշխատանքի համար մշտական պատասխանատվությունը թույլ են տվել և թույլ են տալիս լուծել ամենաբարդ խնդիրները: Դուք այսօր էլ մարտական դիրքում եք։
Ամենադժվար ժամանակներում հենց դուք՝ կանայք եք, որ տղամարդկանց մեջ հավատ եք սերմանում հաղթանակի նկատմամբ, տալիս նրանց ուժ և հույս, գիտեք, թե ինչպես գտնել ճիշտ բառեր նրանց համար և ձեր աղոթքներով օգնել նրանց գոյատևել մարտում: Դուք ոգեշնչում եք տղամարդկանց կատարել սխրանքներ և մեծ նվաճումներ: Ձեր սերն ու գթասրտությունը, հոգատարությունն ու կարեկցանքն իսկապես հրաշքներ են գործում:
Սիրելի՛ կանայք:
Գարնանային այս արևոտ օրը մաղթում եմ ձեզ սեր և ուրախություն, տղամարդկային զուսպ հոգատարություն և փոխըմբռնում Ձեզ համար թանկ մարդկանց հետ: Թող հոգևոր ջերմությունը, որ տալիս եք ձեր հարազատներին, բազմապատիկ վերադառնա Ձեզ:
Շնորհավոր ձեր տոնը, թանկագի՛ն քույրեր:
«Համահայկական ճակատ» շարժման առաջնորդ Արշակ Կարապետյան
