Ֆուտբոլի Անգլիայի ազգային թիմի նախկին ֆուտբոլիստ Գարի Նևիլը քննադատել է «Արսենալ»-ին, ինչպես նաև Հենրիխ Մխիթարյանին: «Արմենպրես»-ի հաղորդմամբ` Նևիլի կարծիքով, Հայաստանի ազգային թիմի կիսապաշտպան Հենրիխ Մխիթարյանը չէր կարող ոչինչ փոխել Անգլիայի լիգայի գավաթի խաղարկության եզրափակչի «Մանչեսթեր Սիթի»-ի դեմ խաղում: «Մխիթարյանը «Արսենալ»-ի ֆուտբոլիստների պես է: Ունակ չէ մտնել հանդերձարան և թիմին տանել իր հետևից»,-ասել է Նևիլը:
Անգլիայի լիգայի գավաթի խաղարկության եզրափակչում «զինագործների» մրցակիցները «Մանչեսթեր Սիթի»-ի ֆուտբոլիստներն էին: «Քաղաքայիններին» հաջողվեց խոշոր՝ 0:3 հաշվով հաղթանակ տանել: «Մանչեսթեր Սիթի»-ի կազմում աչքի ընկան Ագուերոն, Կոմպանին, Սիլվան:
