ԱՄՆ-ն իր զինվորներին չի ուղարկի Ուկրաինա կռվելու: Այս մասին երեքշաբթի հայտնել է Պետդեպարտամենտի ներկայացուցիչ Մեթ Միլլերը։ Պատասխանելով ուկրաինական մարտերին ՆԱՏՕ-ի զորքերի հնարավոր մասնակցության մասին Ֆրանսիայի նախագահի հայտարարությունը մեկնաբանելու լրագրողի խնդրանքին, Միլլերը բացասական պատասխան է տվել, հաղորդում է «Ամերիկայի ձայնը»։
«Նախագահ Բայդենը հասկացրել է, որ ամերիկացի զինվորներ չի ուղարկի Ուկրաինա կռվելու… Իրավիճակն այժմ չափազանց լուրջ է։ Մենք տեսել ենք, որ ուկրաինական առաջապահ ուժերը բավարար զինամթերք չունեն ռուսական ագրեսիան հետ մղելու համար։ Նրանք դեռ քաջաբար կռվում են։ Նրանք քաջաբար շարունակում են պայքարը։ Նրանք դեռևս ունեն զենք ու զրահ, զենք և զինամթերք, որոնք կարող են օգտագործել, բայց այժմ նրանք պետք է պահպանեն այն, քանի որ Կոնգրեսը չի գործել [դրանց ֆինանսավորման ուղղությամբ]», — ասել է Միլլերը:
«Ուստի մենք ակնկալում ենք, որ այս տարվա ընթացքում ուկրաինական զորքերը կշարունակեն խիզախորեն մարտնչել և հաջողությունների հասնել, ինչպես վերջերս արեցին Սև ծովում: Բայց նրանց համար շատ ավելի դժվար կլինի, եթե նրանց հասանելի չլինի զինամթերքը, որն իրենց… անհրաժեշտ է, ուստի… նախագահը (Բայդենը) շարունակում է Կոնգրեսին գործելու կոչ անել»:
Միլլերն ենթադրել է, որ «եթե Ներկայացուցիչների պալատը ուղիղ քվեարկություն անցկացներ Ուկրաինայի օգնության հարցի շուրջ, այն կանցներ: Ուստի մենք կրկին կոչ ենք անում Կոնգրեսին կատարել իր պարտքը, անցկացնել այս քվեարկությունը և անհրաժեշտ օգնություն ցուցաբերել ուկրաինացի զինվորականներին»։
