Կենդանաբանական այգուն հարող՝ համայնքային սեփականություն համարվող կանաչապատման ենթակա 36 հա տարածքներում հայտնաբերվել են մի քանի ապօրինի շինություններ, կամ ինչպես քաղաքապետ Ավինյանն անվանեց՝ «քոլիկներ», որոնք ապամոնտաժելու հանձնարարական տրվեց: Նախատեսվում է այդ մասում՝ 26 հա հատվածում, հիմնել քաղաքային անտառ․ «Տասնամյակներով նման քաղաքականության հետևանքով Երևան քաղաքում կորցրել ենք ահռելի ծավալի կանաչապատ տարածք և տարբեր հիմնավորումներով, տարբեր արդարացումներով վերջ չի դրվել այդ անկանոն կառուցապատմանը՝ կանաչապատ տարածքների հաշվին, և արդեն մեկ երկու տարի է, որ այդ տրամաբանությանը վերջ է տրվում։ Նորից կրկնեմ՝ Երևան քաղաքից, համայնքից և մասնավորապես կանաչ տարածքներից զավթված հողը դա նույնպես գողություն է և հետևապես էն, ինչ հանրային է, պետք է մնա հանրային, էն, ինչ կանաչ տարածք է, պետք է մնա կանաչ տարածք»,- գործակարգավարական խորհրդակցության ժամանակ հայտարարեց քաղաքապետը:
ԱՄՆ-ն ցավակցում է Ադրբեջանին
31.07.2024
