Շաբաթավերջին ավարտած, Հայաստանեայց Առաքելական Ս. Եկեղեցիի Մայր Աթոռի Գերագույն Հոգեվոր Խորհրդի մասնակից ժողովականները մտահոգություն արտահայտեցին, որ հանրակրթության ոլորտում իշխանությունների որդեգրած քաղաքականության արդյունքում հարվածի տակ են հայտնվել հայագիտական առարկաները, մասնավորաբար կոպտագույն սխալներով, բացթողումներով և կամայական մոտեցումներով աղճատվել և ձեւախեղվել է Հայոց պատմության բովանդակությունը։ Վերահաստատելով իր դիրքորոշումը ԳՀԽ եզրահանգեց, որ օրինական բոլոր ճանապարհներով պետք է հանրակրթությունը զերծ պահել ինչպես հակագիտական, այնպես էլ հակազգային հոսանքների և գաղափարների ազդեցությունից։
«Խոտանել խեղաթյուրված դասագիրքը» շարժումը շարունակում է իր անզիջող և հետեվողական ակցիաները, մինչև Ժաննա Անդրեասյանի հեռացումը իր զբաղեցուցած պաշտոնեն:
Արդարեւ, սոյն թվականի, փետրվարի 28-ի ժամը 15:00-ին «Հայ Դպրոցը Հեռու Պահել Հակազգային Հոսանքների և Գաղափարների Ազդեցությունից» նշանաբանով հերթական ակցիան կկայանա ԿԳՄՍ նախարարության շենքին դիմաց (Վազգեն Սարգսյան փողոց 3, կառավարության տուն 2):
Հերթական անգամ կոչ ենք անում հայ ծնողներին, աշակերտներին, ուսուցիչներին, ակադեմականներին, հասարակական գործիչներին, պրոֆեսիոնալ խմբավորումներին և համայնքներին, մեր ապագա սերունդներին արժեհամակարգը եւ ինքնությունը վտանգված համարող հայրենասեր մարդկանց եւ մեր ժողովուրդին ազգային անվտանգության խնդիրների լուծմամբ հետաքրքրված անձանց նշված ժամին ներկա լինել ակցիայի վայրը, որին հրավիրված են նաև ԶԼՄ-ների ներկայացուցիչները, ինչպես միշտ, լուսաբանելու համար միջոցառումը:
«ԽՈՏԱՆԵԼ ԽԵՂԱԹՅՈՒՐՎԱԾ ԴԱՍԱԳԻՐՔԸ» շարժումի նախաձեռնող մարմին
