Փետրվարի 14-16-ը Պաշտպանության նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանն աշխատանքային այցով եղել է հարավարևելյան և հարավարևմտյան սահմանագոտիներում, ծանոթացել սահմանային իրավիճակին:
ՊՆ փոխանցմամբ՝ Ասրյանը շրջայցի ընթացքում եղել է մի շարք զորամասերում, ծանոթացել ծառայության կազմակերպման պայմաններին, ինչպես նաև խորհրդակցություններ անցկացրել զորամիավորման և զորամասերի հրամանատարական կազմերի մասնակցությամբ։
«Էդվարդ Ասրյանը հետևել է նաև ինժեներական և ամրաշինական կառույցների շինարարության ընթացքին, այցելել նորակառույց մոդուլային զորամաս, դիտարկել հարդարման և կահավորման աշխատանքները», — նշված է հաղորդագրության։
ԶՈՒ ԳՇ պետի այցը տեղի է ունենում սահմանին վերջին լարվածության ֆոնին, երբ ադրբեջանական կրակոցից Ներքին Հանդի դիրքերում չորս զինծառայող զոհվեց, մեկը վիրավորվեց։
