Ադրբեջանի սահմանապահ ծառայությունը հայտարարություն է տարածել՝ հայտնելով, որ Ներքին Հանդի ուղղությամբ գիշերը գործողություն են իրականացրել: Նրանք անգամ անուն են դրել այդ սադրանքին՝ «Հատուցում»՝ հավելելով, որ ոչնչացրել են բնակավայրի մոտ գտնվող ՀՀ ԶՈՒ մարտական դիրքը:
Ավելի վաղ ՀՀ ՊՆ-ն հայտնել էր, որ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով հայկական կողմը, նախնական տվյալներով, ունի 2 զոհ և վիրավորներ:
Հիշեցնենք՝ նախօրեին ադրբեջանական լրատվամիջոցները գրել էին, թե իբր Հայաստանը խախտել է հրադադարի պահպանման ռեժիմը և որ իրենք մեկ վիրավոր ունեն:
