ՀՀ Սյունիքի մարզի Ներքին Հանդ վարչական շրջանում այս պահին իրավիճակը համեմատաբար հանգիստ է, կրակոցներ չկան։ Տեղեկությունը Sputnik Արմենիայի հետ զրույցում հայտնեց գյուղացիներից մեկը` Նորիկ Դանիելյանը։
«Ամբողջ գիշեր` ժամը 3.30–4–ից սկսած, կրակել են։ Չեմ կարող ասել, թե կոնկրետ ինչ զենքերով էին կրակում, բայց կրակոցների ձայնը շատ բարձր էր։ Համարյա բոլոր դիրքերից կրակում էին. գյուղի վերևից էլ, դիմացից էլ, ներքևից էլ »,–ասաց բնակիչը։
Դանիելյանի խոսքով` գյուղը լուրջ վնասներ չի կրել։
Հիշեցնենք՝ փետրվարի 13-ին՝ ժամը 05:30-ից սկսած, Ադրբեջանի ԶՈՒ ստորաբաժանումները հրաձգային զենքերից կրակ են բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով, նախնական տվյալներով, հայկական կողմն ունի 2 զոհ և վիրավորներ:
