Կրեմլում հայտարարել են, որ ակնկալում են եւ տրամադրված են Երեւանի կողմից որոշակի հավաստիացումներ ստանալ ՌԴ նախագահ Վլադիմիր Պուտինի ձերբակալման միջազգային քրեական դատարանի (ՄՔԴ) օրդերի կատարման հարցում:
Լրագրողների խնդրանքով մեկնաբանելով ՀՀ վարչապետ Նիկոլ Փաշինյանի հայտարարությունն այն մասին, որ ինքը չէ, որ որոշում է ՄՔԴ-ի պատժամիջոցներով ՌԴ նախագահի հնարավոր ձերբակալման հարցը, պետության ղեկավարի մամուլի քարտուղար Դմիտրի Պեսկովն ասել է. «Իհարկե, այստեղ շատ կարեւոր է որոշակի հավաստիացումներ ստանալ մեր հայ գործընկերներից։ Այդ հարցը դեռ պետք է լուծվի երկկողմ երկխոսության շրջանակներում, ինչին էլ մենք տրամադրված ենք»։
Ճշտող հարցին, թե ինչպես կզարգանա իրավիճակը Հռոմի ստատուտին Հայաստանի միանալու հետ կապված՝ ՄՔԴ իրավասության ճանաչման վերաբերյալ, և արդյոք դրանից հետո Ռուսաստանի նախագահը կարող է այցելել Հայաստան, Կրեմլի ներկայացուցիչը պատասխանել է. «Մենք արդեն ասել ենք, որ, անշուշտ, նոր իրողությունը, որը կապված է այդ միջազգային ստատուտին Հայաստանի միանալու հետ, չի կարող բացասական ազդեցություն չունենալ մեր երկկողմ հարաբերությունների վրա»:
Նախօրեին Փաշինյանը հայտարարել էր, որ իր երկրում միայն դատական մարմինները կարող են իրավական բնույթի այս կամ այն որոշում կայացնել՝ նշելով, որ վարչապետը չէ, որ որոշում է՝ ում կալանավորել, ում՝ ոչ։
