Ադրբեջանում հերթական աղաղակող դեպքն է տեղի ունեցել:
Report-ը հաղորդում է, որ թռչնաֆաբրիկայի 63-ամյա վարորդ Մաիլ Ալիեւի եւ իր գործընկերների միջեւ վեճ է տեղի ունեցել, որը վերածվել է ծեծկռտուքի:
Գործընկերները սկզբում ծեծել են Ալիեւին, իսկ հետո կապելով նրան իր ավտոմեքենային մոտ 200 մետր գետնի վրայով քարշ են տվել: Տղամարդը ծանր վիճակով հոսպիտալացվել է:
Բժիշկները նրա վիճակը միջին ծանրության են գնահատում: Փաստի առթիվ քննությունն է կատարվում:
