Այսօր՝ հունվարի 26-ին, արտակարգ դեպք է տեղի ունեցել Երևանում: Ժամը 14:00-ի սահմաններում ՀՀ Ներքին գործերի նախարարության Փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Շերամի փողողի 113/9 հասցեի հարևանությամբ ավտոմեքենա է այրվում:
Shaմshyan.com-ի փոխանցմամբ՝ օպերատիվորեն ժամանել են ՀՀ ՆԳՆ ՓԾ Երևանի թիվ 7-րդ հրշեջ-փրկարարական ջոկատից 2 մարտական հաշվարկ՝ ջոկատի հրամանատար Գրիգոր Ավդալյանի գլխավորությամբ:
Պարզվել է, որ հրդեհ է բռնկվել BMW X5 մակնիշի ավտոմեքենայում: Մինչ հրշեջների ժամանումը կրակի տարածման դեմ պայքարել են քաղաքացիները, իսկ դեպքի վայրից 2 հոգի տարբեր աստիճանի այրվածքներով տեղափոխվել է Այրվածքաբնության ազգային կենտրոն:Տարածքը սահմանազատել են պարեկներ Խաչատուր Մելքոնյանն ու Հայկ Սուքիասյանը, որպեսզի հետաքրքրասեր քաղաքացիները կուտակումներ չստեղծեն ու չխոչընդոտեն հրշեջների աշխատանքը:Թե ինչն է եղել հրդեհի պատճառը, պարզվում է:
Ավտոմեքենան ամբողջությամբ վերածվել է մոխրակույտի:Դեպքի վայր են ժամանել նաև ոստիկանության Շենգավիթի բաժնի հերթապահ խումբը՝ օրվա պատասխանատու հերթապահի գլխավորությամբ:
