Փետրվարի 22-ին՝ ժամը 10.23-ին ԱԻ ՃԿԿ Շահումյանի շրջանի ԱԻ բաժնից ահազանգ է ստացվել Շահումյանի շրջանի Դադիվանք համայնքում բռնկված հրդեհի մասին: Նախնական տվյալներով այրվում է բնակելի տուն:
Ժամը 10.23-ին Շահումյանի ՀՓՄ-ից դեպքի վայր է մեկնել 1 մարտական հաշվարկ: Հրդեհաշիջման նպատակով Մարտակերտի ՀՓՄ-ին կից Չափարի հրշեջ-փրկարար ջոկից օգնության են մեկնել ևս 2 մարտական հաշվարկներ: Մինչ հրշեջների դեպքի վայր հասնելը՝ (մոտակա հրշեջ ջոկը գտնվում էր դեպքի վայրից ավելի քան 25 կմ հեռավորության վրա) տունը լրիվությամբ այրվել է: Հրդեհի ժամանակ տանը գտնվել է 4 մանկահասակ երեխա, որոնցից երկուսին, դժբախտաբար, չի հաջողվել փրկել: Հրդեհի բռնկման պատճառը պարզելու համար պատկան մարմինների կողմից իրականցվում է հետաքննություն:
