Ստեփանավանի քաղաքապետը՝ Արմեն Գրիգորյանը, փորձել է դանակով կտրել կոկորդս։
Այս մասին NewDay.am-ին ահազանգեց քաղաքացի Գագիկ Կարապետյանը, ում խոսքրով՝ ինքն այժմ հիվանդանոցում է։
«Ես լուսնակարները կտրամադրեմ ձեզ, վնասվածքը ինձ հասցրել է վզիս շրջանում։ Գնացել էի տեղեկանք վերցնելու․ մի քանի օր առաջ ստենդավորվել էի, ասացին քաղաքապետը խորհրդակցության է, ասացի ՝ կսպասեմ, ասացին այսօր մի սպասի։ Դրանից խոսակցութուն առաջացավ, որից հետո հրավիրեցին քաղաքապետի մոտ, վիճեցինք, կոկորդիցս բռնեց ու խփեց կոկորդիս։ Իրենք մի քանի հոգով էին»։
Քաղաքացու խոսքով՝ իրեն հիվանդանոցում այցելել է ԱԱԾ Ստեփանավանի բաժնի պետը, ոստիկանապետը և իրավապահ համարկարգի մի խումբ աշխատակիցներ, ինքը հաղորդում է տվել։
«Ուզում եմ, որ մարդիկ իմանան՝ ինչ է կատարվում, խնդրում եմ լուսաբանեք, չգիտեմ՝ ասում են արդեն գործ է հարուցվել»։
NewDay.am-ը փորձեց տեղեկությունը ճշտել ոստիկանությունից։ ՆԳՆ-ից հայտնեցին, որ նշված քաղաքացին հաղորդում ներկայացրել է, հաղորդման հիման վրա կազմված փաստաթղթերը ներկայացվել են Քննչական կոմիտե։
NewDay.am-ը փորձեց կապ հաստատել նաև Ստեփանավանի քաղաքապետ Արմեն Գրիգորյանի հետ, նա մեր զանգերն անպատասխան թողեց։
Իսկ Ստեփանավանի քաղաքապետարանից NewDay.am-ին ասացին,որ քաղաքապետը իր աշխատասենյակում աշխատում է, միջադեպ չի եղել, իրենք գիտեն՝ ով է ահազանգողը, վերջինս զրպարատում է։
Նշենք, որ մեզ ահազանգած քաղաքացին նաև լուսանկարներ է տրամադրել։
