2020 թվականին մահացած Ադրբեջանի պաշտպանության փոխնախարար Ֆուադ Մամեդովին, մեղադրել են առանձնապես խոշոր չափերի յուրացման մեջ, գրում են ադրբեջանական լրատվամիջոցները։
Մեղադրող կողմը պնդում է, որ Մամեդովը նյութական և տեխնիկական մատակարարման գլխավոր տնօրինության երկու պաշտոնյաների՝ Ֆուադ Շեյդաբեկովի և Ազեր Խալիլովի հետ, յուրացրել է մոտ 15 միլիոն մանաթ պետական միջոցներ։
Այս գործով իրավահաջորդ է ճանաչվել Մամեդովի որդին, որը հայտարարել է հոր անմեղության մասին և խնդրել կարճել հոր դեմ հարուցված քրեական գործը։
Դատավարության ընթացքում պարզվել է նաև, որ կալանք է դրվել Մամեդովի առանձնապես խոշոր չափով գնահատված գույքի վրա։
Դատարանը որոշել է դատաքննությունն անցկացնել դռնփակ։
Գործընթացը կշարունակվի հունվարի 24-ին։
Հաղորդվում է, որ 2018-2020 թվականներին Ֆուադ Մամեդովը եղել է պաշտպանության փոխնախարարը նյութատեխնիկական ապահովման գծով և լոգիստիկայի գլխավոր տնօրինության ղեկավարը։
