Դեկտեմբերի 29-ին իրավապահները «Զվարթնոց» միջազգային օդանավակայանում ձերբակալել են «Ուժը հայրենյաց» կուսակցության նախագահ Տիգրան Արզաքանցյանին։
Այս մասին 1lurer.am-ի հետ զրույցում հայտնեցին ՆԳՆ լրատվական ծառայությունից։
Արզաքանցյանը ներկայացվել է Քննչական կոմիտեին։
Ավելի վաղ հայտնել էինք, որ դեկտեմբերի 29-ին «Զվարթնոց» օդանավակայանի ավիացիոն անվտանգության աշխատակիցները օդանավակայանում բերման են ենթարկել «Ուժը հայրենյաց» կուսակցության նախագահ Տիգրան Արզաքանցյանին։
Երևան-Դուբայ չվերթի ուղևոր Արզաքանցյանի ձեռքի պայուսակում հայտնաբերվել է անհայտ տիպի հրազենի 16 հատ փամփուշտ։
