«Երևանը բեռնաթափման ենթակա է, որովհետև տարեցտարի մեքենաների քանակը Երևանում աճում է, իսկ էս քաղաքը ռեզինից չի, չենք կարող անընդհատ ձգել եւ բոլոր մեքենաները տեղավորել: Հետևաբար պետք է միջոց մտածենք և մեքենաների քանակը նվազեցնենք: Դրա համար նախ համակարգային զարգացնում ենք հանրային տրանսպորտը, ավելացնում ենք ավտոբուսային գծերը, նաև ի հաշիվ կարմիր գծերի և նաև որոշակիորեն սահմանափակում ենք անհատական մեքենաների շարժը»,- ամփոփիչ մամուլի ասուլիսի ժամանակ նշել է Երևանի քաղաքապետ Տիգրան Ավինյանը:
Քաղաքապետը հավելելեց, որ Երևանի կենտրոնում ավտոկայանատեղիների տարեկան վճարը 12 հազարից 160 հազար դարձնելու որոշումն այդ տրամաբանությամբ է կայացվել:
