Ադրբեջանն ու Հայաստանը պատրաստ են վերջնական տեսքի բերել խաղաղության պայմանագիրը: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Комсомольская правда-ն։
Առաջին ալիքի եթերում նա նշել է, որ Բաքուն և Երևանը պատերազմող կողմեր են, սակայն նրանք հայտարարում են իրենց լիակատար պատրաստակամության մասին՝ հասնելու մեկ փաստաթղթի, ավարտին հասցնելու խաղաղ բանակցությունները։
«Այստեղ ոչ մի ռիսկ չկա»,- ասել է Կրեմլի խոսնակը՝ խոսելով «պատերազմող կողմերի» համախմբման ռիսկերի մասին։
Սանկտ Պետերբուրգում այս պահին ընթանում է ԱՊՀ ոչ պաշտոնական գագաթնաժողովը, որին մասնակցում են Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը։
ԱՊՀ երկրների ղեկավարների գագաթնաժողովում Ալիևն ու Փաշինյանը ձեռք են սեղմել: Հանդիպումը սկսվել է ոչ թե բանակցությունների սեղանի շուրջ, այլ քաղաքի պալատական համալիրներով շրջայցով։
