Ադրբեջանի Միլի մեջլիսը հայտարարություն է ընդունել «արևմտյան ադրբեջանցիների» (չակերտները՝ Tert.am)՝ իրենց «պատմական հայրենիք» (չակերտները՝ Tert.am) վերադառնալու վերաբերյալ: Այս մասին հայտնում են տեղի լրատվամիջոցները:
Հայտարարության մեջ ընդգծվում է, որ վստահության ամրապնդման միջոցներից է «արևմտյան ադրբեջանցիների» (չակերտները՝ Tert.am) վերադարձի ապահովումը իրենց «պատմական հողեր» (չակերտները՝ Tert.am)։
Հայտարարության մեջ նշվում է, որ «ադրբեջանցիները դարեր շարունակ ապրել են ներկայիս Հայաստանի Հանրապետության տարածքում» (չակերտները՝ Tert.am) և որ այնտեղ ապրող «բնակչության մեծամասնությունը ադրբեջանցիներ էին» (չակերտները՝ Tert.am)։
«Համայնքի ներկայացուցիչները կարծում են, որ ներկայիս Հայաստանի տարածքում «արևմտյան ադրբեջանցիների» (չակերտները՝ Tert.am)՝ «իրենց նախնիների հայրենիք» (չակերտները՝ Tert.am) վերադառնալու իրավունքի ճանաչումն Ադրբեջանի և Հայաստանի միջև վստահության ձևավորման կարևորագույն գործիքներից է։ Սա կարևոր քայլ կլինի երկու պետությունների միջև իրական խաղաղության հասնելու և տարածաշրջանում համակեցության միջավայր ստեղծելու ուղղությամբ»,- ասված է հայտարարության մեջ։
