Ադրբեջանից Հայաստան տեղափոխված 32 հայ գերիներից ոչ մեկ քաղաքացիական բուժկենտրոն չի տեղափոխվել։ Այս մասին լրագրողների հետ ճեպազրույցում հայտնեց ՀՀ առողջապահության նախարար Անահիտ Ավանեսյանը։
««Մուրացան» հոսպիտալում իրականացվել է նախնական բժշկական հետազոտություն։ Այս պահին քաղաքացիական բուժկենտրոններ տեղափոխված անձինք չկան, դրա կարիքը չի եղել»,– ասաց Ավանեսյանը։
Հարցին, արդյոք առաջիկայում նման բուժզննությունների կարիք կլինի, Ավանեսյանը պատասխանեց` այս պահին նման անհրաժեշտություն չի տեսնում։
