Ինչո՞վ են Նոր Հայաստանի պարեկները տարբերվում աշխարհի մնացած պարեկներից: Հարց է բարձրացնում իրավապաշտպան Կարեն Հեքիմյանը ու գրում․
Պարզվում է, որ Նոր Հայաստանի պարեկները ավտոմեքենայի ապակիների թաղանթապատ լինելը ստուգում են …. 200 ՀՀ դրամ արժողության մետաղադրամներով:
Ուրեմն, Նոր Հայաստանի պարեկը կանգնեցնում է ավտոմեքենան և վարորդին հայտնում ավտոմեքենայի ապակիների թաղանթապատ լինելու վերաբերյալ իր կասկածը: Եթե վարորդը հերքում է ավտոմեքենայի ապակիների թաղանթապատ լինելու վերաբերյալ պարեկի պնդումը, ապա վերջինս գրպանից հանում է 200 ՀՀ դրամ արժողության մետաղադրամ և խազում է «կասկածելի» ապակին:
Ապակի «խազող» պարեկը ֆեյսբուքյան էջ ունի: Էջում գրված է, որ ինքը (պարեկը) «հայ է, իսկ թուրքը նրա թշնամին»: Մտածում եմ. ինչու՞ ադրբեջանական տանկերը, ԲՏՌ-ները և բայրաքթարները խազած չեն:
