Երեկ՝ դեկտեմբեր 2-ին, 53 տարեկան հասակում հանկարծամահ է եղել ՀՀ փաստաբանների պալատի փաստաբան, կոչումով գնդապետ Արթուր Սեփոյանը: Այս մասին հայտնում է shamshyan.com-ը։
Վերջինս հայտնի էր իր մարդկային ու բարոյական բարձր հատկանիշներով, ոչ միայն ճանաչված էր Հայաստանում ու Արցախում, այլև արտերկրում` որպես իսկական հայ, Մարդ` մեծատառով, հմուտ ու պրոֆեսիոնալ իրավաբան, ով երկար տարիներ աշխատել է իրավապահ համակարգում, այդ թվում` ՀՀ Գլխավոր դատախազության, Հայաստանի Քննչական կոմիտեում և միշտ դրական է բնութագրվել ոչ միայն իր գործընկերների, այլ նաև փաստաբանների, անգամ մեղադրյալների կողմից:
Ա. Սեփոյանի հոգեհանգիստը տեղի է ունենելու դեկտեմբերի 4-ին` Աբովյան քաղաքում:
