Այսօր՝ նոյեմբերի 28-ին, ՀՀ Ներքին գործերի նախարար Վահե Ղազարյանի հրամաններով ՀՀ ՆԳՆ ոստիկանության տարածքային բաժիններում ոստիկանապետեր են նշանակվել:Ինչպես հայտնում է ֆոտոլրագրող Գագիկ Շամշյանը, ՀՀ ՆԳ նախարարի հրամանով Մուշեղ Գևորգյանը նշանակվել է ՀՀ ՆԳՆ ոստիկանության Գորիսի բաժնի պետ:
Վ. Ղազարյանի մեկ այլ հրամանով Եփրեմ Գալստյանը նշանակվել է ՀՀ ՆԳՆ ոստիկանության Իջևանի բաժնի պետ, ով Վ. Ղազարյանի մեկ այլ հրամանով ազատվել է ՀՀ ՆԳՆ ոստիկանության Դիլիջանի բաժնի պետի պաշտոնից:
Վ. Ղազարյանի մեկ այլ հրամանով ոստիկանության Դիլիջանի բաժնի պետի ժամանակավոր պաշտոնակատար է նշանակվել նույն բաժնի պետի օպերատիվ գծով տեղակալ Վլադ Բազունցը:
ՀՀ ՆԳ նախարարի մեկ այլ հրամանով Արամ Հարությունյանը նշանակվել է ՀՀ ՆԳՆ ոստիկանության Բազումի բաժնի պետ, ով Վ. Ղազարյանի մեկ այլ հրամանով ազատվել է ոստիկանության Բազումի բաժնի պետի օպերատիվ գծով տեղակալի պաշտոնից:
ՀՀ ՆԳ նախարարի մեկ այլ հրամանով Կարեն Մուրադյանը նշանակվել է ոստիկանության Բազումի բաժնի պետի օպերատիվ գծով տեղակալ:
