Կառավարությունն իր այսօրվա՝ նոյեմբերի 9-ի նիստում հաստատեց Լեռնային Ղարաբաղից բռնի տեղահանվածներին առաջնային սպառողական ծախսերը հոգալու համար սոցիալական աջակցության միջոցառումը և տրամադրման կարգը:
Աշխատանքի եւ սոցիալական հարցերի նախարար Նարեկ Մկրտչյանը, ներկայացնելով նախագիծը, նշեց, որ այ նախագծով առաջարկվում է ԼՂ-ից բռնի տեղականվածների համար իրականացնել երկամսյա սոցիալական աջակցություն՝ նոյեմբեր-դեկտեմբերի համար 50-հազարական դրամի չափով՝ առաջնային սոցիալական ծախսերը հոգալու նպատակով;
Միջոցառման շահառու կհանդիսանան 100 հազար դրամ սոցիալական աջակցության շահառուները՝ որոշ բացառություններով: Միջոցառման շահառու չեն հանդիսանա նոյեմբերի 15-ի դրությամբ հյուրանոցներում կամ հյուրատներում ժամանակավոր բնակվող, ՀՀ-ում չգտնվող եւ իրենց բանկային հաշիվներում 2 մլն դրամից ավելի գումար ունեցող անձինք: Խոսքը ոչ թե ընտանիքի անդամների կամ երեխաների, այլ այն անձանց մասին է, որոնք ունեն այդ դրամական միջոցները: Բացառություն կկազմեն զինծառայողների ապահովագրության հիմնադրամից հատուցում ստացող անձինք: Ծրագրից չեն կարող օգտվել մինչեւ տեղահանումը Հայաստանում հաշվառվածները: Ծրագրից օգտվողը կտա իր բանկային հաշիվների հանրագումարային մնացորդը ստուգելու հնարավորություն:
Դրամական աջակցություն ստանալու համար անհրաժեշտ կլինի ներկայացնել մեկանգամյա էլեկտրոնային դիմում: Դիմումները կսկսենք ընդունել եկող շաբաթվանից սկսած: Դիմումներ ներկայացնելու ընթացակարգը նույնպես կներկայացնենք առաջիկա օրերին:
Վճարումներն իրականացվելու են անկանխիկ եղանակով: Այս նպատակով հարկ կլինի պահուստային ֆոնդից հատկացնել շուրջ 10 մլրդ դրամ»,-ասաց նախարարը:
Վարչապետ Նիկոլ Փաշինյանը նշեց, որ այստեղ տրամաբանությունն այն է, որ այս ծրագրերի արդյունքում բռնի տեղահանվածխները պետք է հյուրանոցներից դուրս գան, այլ տեղերում բնակվեն, որպեսզի հյուրանոցները վերադառնան իրենց բիզնես տրամաբանությանը:
