Երևանի քաղաքապետարանում մեկնարկել է նոյեմբերի 6-ի հերթական գործակարգավարական խորհրդակցությունը։
Հանրային ծառայությունները կարգավորող հանձնաժողովի հետ մի քանի օր առաջ քննարկում ունեցանք, որ «Վեոլիա ջրին» միգուցե հնարավորություն տանք այն գումարները, որոնք ուղղվում են պետբյուջե վարձավճարի տեսքով, ներդրումային ծրագրեր իրականացնել: Այս մասին այսօր՝ նոյեմբերի 6-ին, Երևանի քաղաքապետարանի հերթական գործակարգավարական խորհրդակցության ժամանակ նշեց քաղաքապետ Տիգրան Ավինյանը, ով նաեւ հետաքրքրվեց, թե ով է տեղյակ այդ նախագծից:
Քաղաքապետի խորհրդական Կամո Արեյանն ասաց, որ այդ նախագիծը չի ընդունվել, բայց «Վեոլիա ջրի» տնօրենը 15 օր առաջ մեր խոսակցության ընթացքում ներկայացրեց, որ զգալի պարտադիր աշխատանքների ծավալ է ներդրվելու Երեւան քաղաքում:
Ավինյանն արձագանքեց. «Մենք շուտով համալիր քննարկում ենք ունենալու այս ենթակառուցվածքների վերականգնման եւ խնդիրների վերաբերյալ, եւ պլանավորելու ենք հետագա ծրագրերը, բայց այնուամենայնիվ, նման նախաձեռնություն կա ՀԾԿ հանձնաժողովի կողմից: Ճշտենք, որպեսզի հասկանանք եւ ըստ այդմ պլանավորենք»:
