ՀՀ ԱԳ փոխնախարար Պարույր Հովհաննիսյանը կարծում է, որ ռուսական կողմը ճիշտ չի որակել Մալթայի համաժողովին ՀՀ ԱԽ քարտուղար Արմեն Գրիգորյանի հանդիպումն Ուկրաինայի նախագահ Վլադիմիր Զելենսկու գրասենյակի ղեկավար Անդրեյ Երմակի հետ:
«Այդ հարթակը անվտանգության քարտուղարների հարթակ է։ Ես չէի ասի, որ դա նվիրված էր Ուկրաինայի հարցին, ուներ ավելի լայն օրակարգ: Կարծում եմ, որ նման որակավորումը չի համապատասխանում իրականությանը», — լրագրողների հետ զրույցում ասաց Հովհաննիսյանը:
Հիշեցնենք, որ Ռուսաստանի ԱԳՆ պաշտոնական ներկայացուցիչ Մարիա Զախարովան ասել էր, որ «Մալթայում Ուկրաինայի հարցով կոնֆերանսին Երևանի մասնակցությունը Մոսկվան դիտարկում է որպես Հայաստանի կողմից ցուցադրական հակառուսական ժեստ»:
