«Առուշ Առուշանյան» դաշինքի ֆեյսբուքյան էջը տեղեկացնում է,որ վերջին մեկ ամսվա ընթացքում Գորիսի համայնքապետարանի միջոցներով շուրջ 1000 հատ ծառեր, թփեր են տնկվել բակերում, բարեկարգվող փողոցներում:
Գորիսն ամեն օր գեղեցկանում է, վերակառուցվում, բարեկարգվում։ Կանաչապատվում են փողոցները, բակերը, տարածքներ, որոնք տարիներ շարունակ անխնամ են եղել:
Արդեն ավարտվել են Գորիս համայնքի Գալստյան փողոցի մի հատվածի, թիվ 60 բազմաբնակարան շենքի բակի, Մաշտոց փողոցի թիվ 146, 148, 150 բնակելի շենքերի բակերի ասֆալտապատման և բարեկարգման աշխատանքները։ Աշխատանքներն իրականացվել են պետություն_համայնք գործակցության արդյունքում։
Հիմնովին նորոգվել է նաև Ակներ գյուղի թիվ 15 փողոցի՝ Հայ-ֆրանսիական սրտաբանական կենտրոն տանող ճանապարհի 1200 մ հատվածը:
Ծրագիրն իրականացվել է Տարածքային կառավարման և ենթակառուցվածքների նախարարություն միջոցով՝ կառավարության հրատապ ծրագրերի շրջանակում:
Վերջին մեկ ամսվա ընթացքում Գորիսի համայնքապետարանի միջոցներով շուրջ 1000 հատ ծառեր, թփեր են տնկվել բակերում, բարեկարգվող փողոցներում: Վերակառուցվող փողոցներում առաջնահերթ է կանաչ գոտիների ստեղծումը. կանաչապատման հիմքում մշտադալարներն են:
Գորիսում կանաչ գոտիների պահպանումն ունի ոչ միայն բնապահպանական, կարևոր նշանակություն, այլև գեղագիտական:
