Մեզ համար առաջնահերթ է, որ ծնողները հնարավորություն ունենան երեխային երկարօրյա թողնել մանկապարտեզում: Այս մասին այսօր՝ հոկտեմբերի 23-ին, Երեւանի քաղաքապետարանի գործակարգավորական նիստի ժամանակ ասաց Երևանի քաղաքապետ Տիգրան Ավինյանը։
«Այն ծնողները, ովքեր աշխատում են, պետք է հնարավորություն ունենան երեխային երկարօրյա թողնել մանկապարտեզում. եկեք այնպես անենք, որ մեկ տարի հետո գրեթե բոլոր մանկապարտեզներում այս հնարավորությունը ստեղծենք»,-ասաց նա:
Զեկուցվեց, որ 162-ից 85 մանկապարտեզներում են գործում երկարօրյա խմբեր, մանկապարտեզ հաճախող 26 500 երեխայից 1 000-ն են օգտվում երկարօրյա խմբակներից։
«Հաջորդ տարի, վստահաբար, կկարողանանք այնպես կազմակերպել, որ գրեթե 100 տոկոսում այս ծառայությունն ունենանք», — ավելեց Ավինյանը։
