ԱՄՆ պետքարտուղարության մամլո փոխխոսնակ Վեդանթ Փաթելը, «Ամերիկայի ձայնի» փոխանցմամբ, ԱՄՆ պետքարտուղարրությունում պատասխանել է Հայաստանի կողմից Հռոմի ստատուտը ընդունելու մասին հարցին․
«Մենք հարգում ենք Հայաստանի ինքնիշխանությունն ու անկախությունը և կթողենք, որ Հայաստանի կառավարությունը ինքը մեկնաբանի իր օրենսդրական գործընթացների մասին: Իհարկե, մենք հարգում ենք Միջազգային քրեական դատարանին միանալու յուրաքանչյուր երկրի իրավունքը և ոգևորվում ենք բազմաթիվ պետությունների օրինակով, այդ թվում՝ Հայաստանի, որոնք պարտավորություններ են ստանձնել՝ խթանելու արդարությունը, պատասխանատվությունը ցեղասպանության, պատերազմական հանցագործությունների և մարդկության դեմ հանցագործությունների համար»,- ասել է պետքարտուղարության մամլո փոխխոսնակը:
