Ռուսական կողմը չէր ցանկանա, որ ՌԴ նախագահ Վլադիմիր Պուտինը երբևէ ստիպված լինի հրաժարվել Հայաստան այցից, լրագրողներին ասել է պետության ղեկավարի մամուլի քարտուղար Դմիտրի Պեսկովը, փոխանցում է ՏԱՍՍ-ը։
«Իհարկե, չէինք ցանկանա, որ նախագահը ինչ-ինչ պատճառներով ստիպված լինի մի օր հրաժարվել Հայաստան այցելություններից»,- ասել է նա՝ պատասխանելով հարցին, թե Երևանի կողմից Հռոմի ստատուտի վավերացումը նշանակո՞ւմ է, որ ՌԴ նախագահը կհրաժարվի Հայաստան այցելություններից։
Ավելի վաղ ՄՔԴ-ն ուկրաինացի երեխաներին ապօրինի արտաքսելու մեղադրանքով ՌԴ նախագահի և Նախագահի երեխաների իրավունքների հանձնակատար Մարիա Լվովա-Բելովայի ձերբակալության օրդեր էր տվել։ Մոսկվան մերժել է այդ մեղադրանքները, նույնիսկ հարցի ձևակերպումն անվանել է վրդովեցուցիչ, ինչպես նաև նշել, որ Ռուսաստանը չի ճանաչում ՄՔԴ-ի իրավասությունը, հետևաբար դատարանի որոշումները նրա համար աննշան են։
