Հոկտեմբերի 1-ին, ժամը 21.30-ի սահմաններում, քաղաքացիական ավտոմեքենաներով հրազենային վնասվածքներով և դանակահարված վիճակում «Սուրբ Գրիգոր Լուսավորիչ» բժշկական կենտրոն է տեղափոխվել 4 քաղաքացի, հաղորդում է Shamshyan.com-ը:
Այս պահին բժիշկները բուժօգնություն են ցուցաբերում վիրավորներին։
Դեպքի վայրում հայտնաբերվել են կրակված պարկուճներ, արնանման հետքեր:
Ոստիկանության Երևան քաղաքի վարչության քրեական հետախուզության բաժնում օպերատիվ տեղեկություններ են ստացվել, որ հիվանդանոց տեղափոխված անձինք վնասվածքները ստացել են Կոտայքի մարզում, ինչի համար այս պահին Ոստիկանության Կոտայքի մարզային վարչության և Ոստիկանության Կոտայքի բաժնի ծառայողները և նրանց միացած ՀՀ ՆԳՆ Ոստիկանության Պարեկային ծառայության Կոտայքի մարզի գումարտակի պարեկները փորձում են պարզել դեպքի վայրը։
Ոստիկանությունը պարզում է վիրավորների ինքնությունը։
