ԱՄՆ Ներկայացուցիչների պալատի Մարդու իրավունքների ենթահանձնաժողովի նախագահ, կոնգրեսական Քրիս Սմիթը օրինագիծ է ներկայացրել՝ կանխելու Բաքվի կողմից արցախահայերի դեմ հետագա վայրագությունները և էթնիկ զտումները։
Սմիթի նախագիծը, որը կոչվում է «Լեռնային Ղարաբաղի էթնիկ զտումների և վայրագությունների կանխարգելման ակտ 2023թ.», նշում է մի շարք միջոցառումներ, այդ թվում՝
ԱՄՆ դիվանագետներ ուղարկել տարածաշրջան՝ իրավիճակը վերահսկելու և հետագա չարաշահումների մասին անհապաղ հայտնելու համար.
Հայկական մշակութային վայրերի 24-ժամյա տեսադիտարկում;
Մարդասիրական օգնության տրամադրում շրջափակումից և Լեռնային Ղարաբաղի վրա վերջին հարձակումից տուժած հայերին.
Լեռնային Ղարաբաղի դեմ շրջափակումն ու հարձակումը գլխավորած պաշտոնյաների դեմ նոր պատժամիջոցների կիրառում.
Օտարերկրյա ռազմական ֆինանսավորում տրամադրել Հայաստանի Հանրապետությանը, որն այժմ վտանգված է Ադրբեջանի կողմից.
Ամերիկյան ռազմական օգնության դադարեցում Ադրբեջանին՝ չեղյալ համարելով Ազատության աջակցության ակտի 907-րդ բաժնի բացառությունը:
