Հայաստանի հետ միջպետական երկխոսությունում Ղարաբաղի (Արցախի) հարցը չի քննարկվում, սակայն առանձին քննարկվում է Ադրբեջանի հայ համայնքի ներկայացուցիչների հետ՝ նրանց վերաինտեգրման նպատակով։ Այս մասին լրագրողներին ասել է Ադրբեջանի արտգործնախարար Ջեյհուն Բայրամովը։
«Միևնույն ժամանակ, մենք Հայաստանին առաջարկում ենք մեր խաղաղության համաձայնագրում ներառել դրույթ մեր տարածքներում ազգային փոքրամասնությունների մասին՝ որպես կողմերի փոխադարձ պարտավորություն, որտեղ մենք՝ երկու պետություններս, պարտավորվելու ենք հարգել մեր տարածքներում ազգային փոքրամասնությունների իրավունքները մեր սահմանադրության հիման վրա և մի շարք միջազգային պայմանագրերի հիման վրա, որոնց մաս ենք կազմում»,- նշել է նա։
