Արցախի նախկին պետնախարար, «Ապրելու երկիր» կուսակցության գործընկեր Ռուբեն Վարդանյանն իր լիակատար աջակցությունն է հայտնել քաղաքապետի թեկնածու Մանե Թանդիլյանին։
Կուսակցության հրապարակած տեսաուղերձում Վարդանյանը կոչ է արել բոլորին մասնակցել ընտրություններին։
«Մենակ ուժեղը կարող է խաղաղության պայմանագիր կնքել»,- ընդգծել է նա։
«Ես ուզում եմ կոչ անել բոլոր երևանցիներին, որ ակտիվ մասնակցեն ընտրություններին, իրենց ձայնը տան «Ապրելու երկրին», որն իսկապես առաջարկում է նոր մոտեցում։ Նոր ուղի է ցույց տալիս բոլորիս։ Եվ ես վստահ եմ՝ միասին կհաղթահարենք ամեն ինչ։ Մենք պատասխանատու ենք մեր ապագայի, մեր հայրենիքի, մեր պետության համար։ Եվ մենք չենք թույլ տա ոչ մեկին կործանել Արցախը և Հայաստանը»,- հավելել է Վարդանյանը։
