Գերմանական BILD թերթի ռազմական փորձագետ Յուլիան Ռյոպկեն գրել է, որ Պրիգոժինի ինքնաթիռը խոցվել է ՀՕՊ համակարգով։
«Պրիգոժինի ինքնաթիռը թռչել է 8800 մետր բարձրության վրա, երբ այն խոցել է զենիթային հրթիռը։ Սա ավելի քան կրկնակի բարձր է, քան կարող է խոցվել շարժական զենիթային հրթիռային համակարգով: Նշանակում է՝ կիրառվել է ռուսական բանակի ծանր համակարգը»,- նշել է նա։
Փորձագետը պնդում է, որ կատարվածի պատասխանատվությունն ընկնում է Վլադիմիր Պուտինի վրա։ Ռուսական մի շարք Telegram-ալիքներից ստացված տեղեկատվության համաձայն՝ կործանման վայրից ոչ հեռու տեղակայվել է С-400 համակարգ։
