Այս պահի դրությամբ բեռնատարները սպասում են, որ բեռները փոխանցվեն ՌԴ խաղաղապահ զորախմբին, որ նրանք էլ իրենց հերթին փոխանցեն ԼՂ-ին։ Այդ մասին «Լուրերի» տաղավարում ասաց ՀՀ հատուկ հանձնարարություններով դեսպան Էդմոն Մարուքյանը՝ անդրադառնալով այն հարցին, որ հումանիտար բեռներ տեղափոխող բեռնատարները արդեն 5-րդ օրն է՝ դրանք չեն կարողանում հասցնել ԼՂ բնակչությանը։
«Քանի դեռ մենք չունենք այս իմաստով պատասխան, և ինֆորմացիայի փոխանակությունը շարունակվում է, ես կարծում եմ, որ պետք է սպասել և ամեն ինչ անել, որ այդ բեռները հասնեն տեղ»,- ասաց Մարուքյանը։
