Հունգարական Wizz Air ավիաընկերության Երևան-Վիեննա չվերթի հետաձգման պատճառով Ռուսաստանից ժամանած մի խումբ զբոսաշրջիկներ Երևանում կտեղավորվեն հյուրանոցում։ Այս մասին ՏԱՍՍ-ի թղթակցին հայտնել է «Զվարթնոց» օդանավակայանի մամուլի քարտուղար Լուսինե Մողրովյանը։
«Ավիաընկերությունը հետաձգել է Երևան-Վիեննա չվերթը։ Մեկնումը նախատեսված էր 12։25-ին, սակայն կիրականացվի ուրբաթ օրը՝ ժամը 17։40-ին։ Ուղևորներին տրվել է իրենց ուղեբեռը, Նրանք տարանցիկ գոտուց ուղեկցվել են օդանավակայանի հանրային հատված, տեղավորվել են ավտոբուսներում՝ հյուրանոց տեղափոխելու համար»,- ասել է նա։
Դեպի Վիեննա չվերթի ուշացման պատճառով Երևանի օդանավակայանում մնացած ռուսներից ոչ ոք չի դիմել Երևանում Ռուսաստանի դեսպանատան օգնությանը, ՏԱՍՍ-ին հայտնել են դեսպանատան մամուլի ծառայությունից։
«Այս պահին քաղաքացիներից ոչ մի հարցում չի եղել: Դեսպանությունը, տեղեկանալով լրատվամիջոցներից դեպքի մասին, ակտիվորեն ուսումնասիրում է իրավիճակը, այդ թվում՝ հասկանալու համար, թե ինչ օգնություն կարելի է ցուցաբերել ՌԴ քաղաքացիներին»,- ասել է դեսպանատան մամուլի ծառայությունը։
Ռուսական Telegram ալիքների տվյալներով՝ հարյուրից ավելի ռուսաստանցիներ սպասում են Երևանից Վիեննա չվերթին։
