«Ժողովուրդ» օրաթերթը գրում է. Ազգային ժողովի «Քաղաքացիական պայմանագիր» խմբակցության պատգամավոր Վիլեն Գաբրիելյանը, որը մինչ հեղափոխությունը ֆեյսբուքյան ակտիվիստ էր՝ Նավակ ճոճողը ծածկանունով, բարելավել է իր տնտեսական վիճակը. 2022 թվականին բնակարան է գնել:
«Ժողովուրդ» օրաթերթը պաշտոնական աղբյուրներից տեղեկացավ, որ պատգամավորը դեռ 2006 թվականից նաեւ միանձնյա սեփականությամբ հողամաս ունի, ինչպես նաեւ դեռ 2006 ու 2007 թվականներից նաեւ երկու ավտոմեքենա ունի, որոնք մինչ այժմ կան։ Ինչ վերաբերում է եկամուտներին, ապա հայտարարագրված կամ, այսպես ասած, «երեւացող» եկամուտները այսպիսին են. նա իր բանկային հաշվին տարվա սկզբում ունեցել է 1 մլն դրամ, որը տարվա վերջին կրկնապատկվել է, իսկ կանխիկ 500 հազար դրամը պահպանվել է։
Մեկ տարվա ընթացքում պատգամավորը ունեցել է 7 մլն դրամից ավելի եկամուտ, որը նրա աշխատավարձն է։ Տարվա վերջում ՔՊ- ական պատգամավորն ունեցել է երկու վարկ՝ 7 մլն մնացորդով (վարկը հիփոթեքն է, որով բնակարան է ձեռք բերել), եւ ունի այլ վարկ եւս՝ չորս միլիոն դրամի չափով։ Այլ տվյալներ նրա հայտարարագրում առկա չեն:
Նկատենք, որ Ադրբեջանում ծնված Վիլեն Գաբրիելյանը դեղագետ է եւ մինչեւ 39 տարեկան հասակը չի կարողացել սեփական տուն ունենալ, միայն պատգամավորի մանդատը ստանալուց հետո է նա տան տեր դարձել»:
Առավել մանրամասն թերթի այսօրվա համարում
