Արցախի նախագահ Արայիկ Հարութունյանը նստացույց է հայտարարում: Նա կմիանա Ստեփանակերտի Վերածննդի հրապարակում նստացույց հայատարարած քաղաքացիներին:
«Սա լրացուցիչ ճիգ ու ահազանգ է միջազգային գործնական ուշադրություն գրավելու, հորդորելու միջազգային հանրությանը` կատարել ստանձնած պարտավորությունները»,- հայտարարել է նա:
Քիչ առաջ ավարտված իր ուղերձում Արայիկ Հարությունյանը Արցախի և աշխարհի հայությանը կոչ է անում միանալ նստացույցին։
«Եթե մեկ շաբաթվա ընթացքում միջազգային միջամտությամբ Արցախի ժողովրդի վիճակը չվերադառնա քիչ թե շատ բնականոն հուն, կդիմենք ավելի կոշտ գործողությունների»,- ասել է Հարությունյանը՝ հավելելով, որ պահը օրհասական է։
