Համաժողովրդական շարժման մասնակցիները երթով շարժվեցին Ստեփանակերտի ԿԽՄԿ գրասենյակ։
ԱՀ պետնախարար Գուրգեն Ներսիսյանն արցախցիների անունից պահանջ ներկայացրեց Ստեփանակերտի ԿԽՄԿ գրասենյակի ղեկավարին։ Արցախցիները պահանջում են, որ Ստեփանակերտի ԿԽՄԿ գրասենյակն իրական ու օբյեկտիվ տեղեկություն փոխանցի միջազգային կառույցներին Արցախում ստեղծված իրավիճակի վերաբերյալ։
«Պահանջում ենq, որ Արցախում ստեղծված իրավիճակի վերաբերյալ օբյեկտիվ, իրավիճակն ամբողջապես արտացոլող՝ խմելու ջրի, դեղորայքի, պատշաճ բժշկական օգնություն ստանալու հնարավորությունից զրկված լինելու և բազմաթիվ այլ խնդիրների մասին տեղեկացնել։ Կարմի՛ր խաչ թերանում եք, բավարար չափով չեք ներկայացնում Արցախում ստեղծված իրավիճակը։ Արցախի աղետալի իրավիճակի վերաբերյալ ամբողջական տեղեկատվություն փոխանեք ձեր գլխամասին»,- ներկայացրեց պետնախարարն՝ ակնկալելով, որ առաջիկայում Ստեփանակերտի ԿԽՄԿ գրասենյակի ղեկավարը կտեղեկացնի, որ պահանջը փոխանցվել է միջազգային կառույցներին։
ԱՀ ՄԻՊ-ն էլ իր հերթին հարց ուղղեց․
«Կարմի՛ր խաչ, տեսնում եք չէ՞՝ ինչ է կատարվում, ահազանգե ՛ք ամբողջ աշխարհին»։
Համաժողովրդական շարժման մասնակիցները պահանջեցին՝ բացել կյանքի ճանապարհը՝ նշելով, որ Կարմիր խաչը չի կատարում իր առաքելությունը։
Հավելենք, որ համաժողովրդկան շարժման մասնակիցերը այնուհետև երթով շարժվելու են Արցախում ռուսական խաղաղապահ զորախմբի տեղակայման վայր՝ ռուս խաղաղապահներին ներկայացնելու Արցախն ապաշրջափակելու և հումանիտար աղետի ընթացքը դադարեցնելու պահանջ-խնդրանք, որից հետո հանդիպումը կշարունակվի Վերածննդի հրապարակում գրեթե ամենօրյա ռեժիմով։
