ՌԴ ԱԳՆ խոսնակ Մարիա Զախարովան, պատասխանելով լրագրող Հայկ Խալաթյանի հարցին, թե արդյո՞ք Ռուսաստանը գործուն քայլեր ձեռնարկում է կանխելու համար Ադրբեջանի ռազմական սադրանքները Լեռնային Ղարաբաղում որի պատճառով հայկական կողմը 4 զոհ է ունեցել, պատասխանել է.
«Մենք անհանգստացած ենք Լեռնային Ղարաբաղում հրադադարի խախտումների և հաճախակիացած ռազմական բնույթի բախումներից։ Կողմերին զսպվածության և բոլոր հարցերի խաղաղ լուծման կոչ ենք անում՝ ՌԴ խաղաղապահների հրամանատարության միջնորդությամբ։ Կարծում ենք որ Լաչինի միջանցքի ապաշրջափակումը կնպաստի իրավիճակի դեէսկալացիային»։
