Պարտադրանք չի կարող լինել, մի պարզ պատճառով, որ ՀՀ իշխանութունը ընտրված է, եթե մենք ընտրված չլինեինք, այո, պարտադրանք կարող էր լինել: Հայաստանը այսօր մեծ հաջողություններ է գրանցում ժողովրդավարության աստիճանի մակարդակով, և աշխարհը այսուհետ ընկալում է այս ամենը՝ հարձակում ժողովրդավարության նկատմամբ։ Ճիշտ է մենք մեր սխալները ունենք, ճիշտ է ամեն ինչ չէ իդեալական, բայց ակնհայտ է կամքը իշխանության, եղած խնդիրները նույնպես շտկելու: Դա չի կարող անարձագանք մնալ:
Ասել է ԱԺ նախագահ Ալեն Սիմոնյանը ճեպազրույցի ժամանակ պատասխանելով «Զանգեզուրի միջանցքի» մասին լրագրողների հարցին, նշելով, որ Էրդողանի այցը Բաքու չի կարող պատճառ դառնալ, որ Ադրբեջանը իր դիրքորոշումը կոշտացնի որոշ հարցերի շուրջ:
«Ադրբեջանի դիրքորոշումը կոշտացնելը, հո Էրդողանի այցով չի պայմանավորված, պայմանավորված է մեր դիրքից, մեր ասելիքից, մեր միջազգային գործընկերների հետ համագործակցությամբ։
Ես նորից պետք է այդ օրինակը բերեմ այդ միջանցքի մասին խոսակցությունը, տեսաք հայկական կողմը դրսևորեց իր կամքը և ասաց, որ նման բան չի լինելու, և կարծես թե այդ ընկալումը եղավ, որ իրոք նման բան ոչ նախատեսվել էր, ոչ՝ խոսվել, չնայած որոշները փորձեցին ասել, որ ինչ-որ բան խոստացել է պարոն Փաշինյանը։
Թե Ռուսաստանի Դաշնության նախագահր դրա մասին խոսեց , թե նաև տեսնում ենք, որ կարծես թե ադրբեջանական հռետորաբանությունից նույնպես դուրս է եկել, կամ ինչ-որ ձևով նրանք փորձում են ներկայացնել, որ դա նկատի չունեին: Կարող եք այս ամենը նույն ձևով պրոեկտել բանակցությունների գործընթացի վրա»,- նշեց Ալեն Սիմոնյանը
