«Հիշում եք, որ երկու գրություն էի ուղարկել Տարոն Մարգարյանին Մարտի 1-ին տասը քաղաքացիների սպանության օրն այդ տարածքում հիշատակի 10-րդ տարելիցի միջոցառումների մասնակիցների մուտքն անարգել ապահովելու համար։ Այսօր ստացա պատասխան, որ տարածքն այդ օրը բացվելու է»,- տեղեկացրել է Երևանի ավագանու «Ելք» խմբակցության անդամ Արայիկ Հարությունյանը։
Հիշեցնենք՝ Ա. Հարությունյանը մտահոգություն էր հայտնել, որ Մարտի 1-ին հազարավոր մարդիկ են այցելելու Մյասնիկյանի այգի՝ ի հիշատակ 2008-ի մարտի 1-ին սպանված քաղաքացիների 10-րդ տարելիցի:
