Հունիսի 2-ին, ժամը 21։08-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Կապան քաղաքի նախկին շուկայի տարածքում հրդեհ է բռնկվել։ Այս մասին հաղորդում են Փրկարար ծառայությունից։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ։
Պարզվել է, որ հրդեհը բռնկվել է նախկին շուկայի 2-րդ հարկում գտնվող 3 չգործող տաղավարներում (45 քմ)։
Հրդեհը մեկուսացվել է ժամը 21:35-ին, մարվել՝ 21:55-ին: Այրվել են տաղավարների ընդհանուր տանիքի փայտե կառուցատարրերը և ներսում՝ հնամաշ իրեր։
