Խորհրդանշական նվերն այսօր` մայիսի 29-ին, Ստեփանակերտի «Մոր և մանկան առողջության պահպանման կենտրոն»-ում Հայ առաքելական եկեղեցու Արցախի թեմի ներկայացուցչի` Տեր Անդրեաս քահանա Թավադյանի ձեռամբ հանձնվել է նորածինների մորը:
«Արցախպրես»-ի թղթակցի հետ զրույցում մայրը՝ 38-ամյա Գայանե Ասրիբաբայանը նշել է, որ շոյված ու շնորհակալ է ուշադրության ու վերաբերմունքի համար։
«Մարտունու շրջանի Խնուշինակ գյուղից ենք։ Տանը մեկ աղջիկ և մեկ տղա ունեմ: Ընտանիքս համալրվեց եռյակ տղաներով։ Առաջին ստուգման ժամանակ ասացին, որ զույգ է։ Ուրախացա ու կատակեցի` եթե եռյակ լիներ, ավելի ուրախ կլինեի։ Հաջորդ այցի ժամանակ պարզվեց, որ եռյակ է։ Մինչև 28 շաբաթականը հղիությունը վերահսկվել է Մարտունու շրջանային բուժմիավորումում, այնուհետև` Ստեփանակերտի «Մոր և մանկան առողջության պահպանման կենտրոն»-ում: Ծառուկյան ընտանիքի նախաձեռնությունը հայրենանվեր քայլ եմ համարում»,-նշել է Գ. Ասրիբաբայանը։
Եռյակ եղբայրներին կոչել են Հենրի, Տարոն և Տիրան անուններով։
«Դուրս գրվելուց հետո դայակի անհրաժեշտություն կունենամ։ Հույս ունեմ, որ այդ հարցում ևս օժանդակություն կստանամ»,-հավելել է նորածինների մայրը։
Нет описания.
«Մոր և մանկան առողջության պահպանման կենտրոն»-ի Նեոնատոլոգիայի բաժանմունքի վարիչ Նինա Հովհաննիսյանի հավաստմամբ` երեխաների առողջական վիճակը կայուն է։
«Նրանք շարունակում են ստանալ համապատասխան բուժում և խնամք և դուրս կգրվեն` լիովին պատրաստ իրենց կյանքի նոր շրջափուլին»,- իրազեկել է բժշկուհին:
