Այս պահին հակառակորդը կրակը դադարեցրել է մեր դիրքերի ուղղությամբ: Այս մասին ArmLur.am-ի հետ զրույցում ասաց Կուտական համայնքի ղեկաար Մակիչ Թովմասյանը:
«Գյուղում ամեն ինչ նորմալ է, խուճապ բնակչության շրջանում չկա, ամեն մարդ իր գործին է»,-նշեց համայնքի վարչական ղեկավարը:
Նշենք, որ Մայիսի 23-ին՝ ժամը 00:20-01:10-ը, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Կուտականի հատվածում տեղակայված հայկական դիրքերի ուղղությամբ: Հայտնում են պաշտպանության նախարարությունից:
Հայկական կողմը կորուստներ չունի:
Ժամը 08:00-ի դրությամբ իրադրությունն առաջնագծում հարաբերականորեն կայուն է:
