Սոթքի հանքավայրը փակելու վերաբերյալ հանքավայրի աշխատակիցների հետ այսօր կայացած հանդիպման ընթացքում չի քննարկվել: Այս մասին NEWS.am-ի հետ զրույցումասաց Գեղարքունիքի մարզպետ Կարեն Սարգսյանը:
«Մենք խոսել ենք անվտանգ շահագործման մասին, մեր քննարկման հիմնական թեման եղել է անվտանգ շահագործումը: Հանքի փակվելու վերաբերյալ տեղեկութունը իրականությանը չի համապատասխանում: Կրակոցների արդյունքում է այս իրավիճակը ստեղծվել, երբ անվտագային խնդիրը լուծվի, հանքը կշահագործվի, չնայած, որ այս պահին հանքը մասնակիորեն շահագործվում է»,-ասաց նա:
Նշենք, որ մամուլում տեղեկություններ էին տարածվել, որ Գեղարքունիքի մարզպետ Կարեն Սարգսյանն այսօր հանդիպել է Սոթքի ոսկու հանքի աշխատակիցներին և տեղեկացրել, որ հանաքավայրի աշխատանքը կասեցվելու է՝ հանքն այլևս չի աշխատելու:
Ավելի վաղ հայտնել էինք,որ ադրբեջանական կողմի պարբերաբական վերսկսվող կրակոցների հետեւանքով Սոթքի հանքավայրը 10 օրից ավելի է ինչ չի գործում:
