Հայաստանում ԱՄՆ-ի դեսպանատունը հաղորդագրություն է տարածել

ԱՄՆ պետքարտուղարի փոխտեղակալ Էրիկա Օլսոնին Հայաստանում է: Ապրիլի 17-18-ի այցի ընթացքում նա կհանդիպի ՀՀ պաշտոնատար անձանց, այդ թվում՝ վարչապետ Նիկոլ Փաշինյանի, քաղաքացիական հասարակության ներկայացուցիչների հետ՝ քննարկելու հայ-ամերիկյան երկկողմ փոխգործակցությունը և ԱՄՆ աջակցությունը հայ-ադրբեջանական դիվանագիտական բանակցություններին` միտված համընդգրկուն խաղաղության համաձայնագրին։ Այս մասին հայտնում է ՀՀ-ում ԱՄՆ դեսպանատունը: