«Իրավունք» թերթը գրում է. «Նիկոլ Փաշինյանը սկսել է հաճախակի այցելել «Քաղաքացիական պայմանագիր» կուսակցության Սայաթ-Նովա պողոտայի վրա գտնվող գրասենյակ: Դրանով պայմանավորված` անհանգիստ շարժումներ կան ՔՊ-ականների շարքերում:
«Իրավունքի» աղբյուրների փոխանցմամբ` ՔՊ-ականները միմյանց զգուշացնում են, թե` «շեֆը լարված է», ուստի` խորը չմտածված քայլերով ու ինքնագործունեությամբ պետք չէ այս շրջանում աչքի ընկնել: Մյուս կողմից էլ որոշ կուսակցականներ անուղղակի կերպով` ակնարկներ են անում, թե այլեւս չեն կարողանում հանդուրժել նիկոլական լուծը:
ՔՊ-ի առավել համարձակները փորձում են ճանապարհներ գտնել տարանջատվելու թիմից եւ համոզելու ընդդիմությանը, որ իրենք այն չեն, ինչ եղել են այս տարիներին, բայց ուրիշ ելք չեն ունեցել:
Իհարկե, այս ամենն արվում է բավական զգուշորեն, որովհետեւ Նիկոլ Փաշինյանն աչքերը չորս արած «դավաճաններ» է փնտրում նաեւ սեփական թիմում, որոնց ամեն պահի պատրաստ է «քավության նոխազ» դարձնել`առանց նույնիսկ աչքերը թարթելու»:
Առավել մանրամասն՝ թերթի այսօրվա համարում
